Lidhje me faqet e vjetra të PKG
RRETH SHKATËRRIMIT TË MONUMENTIT ANTIFASHIST NË RIGA
Vendimi i autoriteteve të Letonisë dhe të qytetit të Rigas për të shkatërruar të gjithë kompleksin e monumentit antifashist, i cili ndodhej në një pjesë qendrore të kryeqytetit të Letonisë dhe lidhej me çlirimin e Rigës nga pushtuesit fashistë, është një hap tjetër në drejtim të rishkrimit të historisë. Ky akt u realizua në një shtet ku ushtrohen persekutime antikomuniste dhe që tashmë ka avancuar rehabilitimin e bashkëpunëtorëve të nazistëve, të “legjioneve” naziste, të cilët tashmë parakalojnë zyrtarisht çdo vit.
Kjo fushatë, e cila ka “vulën” e BE-së dhe qeverive të saj dhe që “serviret” me ideologjinë e “luftës kundër totalitarizmit” dhe të barazimit anti-historik të komunizmit me fashizmin, synon të ndikojë në ndërgjegjen e brezit të ri. Ajo dëshiron të fshijë kontributin heroik të popullit sovjetik dhe të Ushtrisë së Kuqe për shkatërrimin e përbindëshit fashist, i cili ishte pjellë e kapitalizmit.
Tensioni i ri që po merr ky aksion, shfrytëzon luftën imperialiste në Ukrainë midis fuqive euroatlantike dhe Rusisë dhe përpiqet të barazojë pushtimin e papranueshëm rus të Ukrainës dhe sjelljen e Rusisë kapitaliste që rrjedh nga kundërrevolucioni, me Bashkimin Sovjetik dhe Fitoren e lavdishme antifashiste.
Partia Komuniste e Greqisë (KKE) denoncon autoritetet e Letonisë për shkatërrimin e monumentit antifashist dhe shpreh solidaritetin e saj me ata që luftojnë për të parandaluar kalimin e antikomunizmit dhe anti-sovjetizmit.
Fitorja antifashiste e Ushtrisë së Kuqe nuk mund të fshihet!
Larg duart nga monumentet antifashiste të Europës!
Zyra e Shtypit e KQ të Partisë Komuniste të Greqisë (KKE)
Athinë.24.08.2022